「執笠關注組」揭商家心淡 欲轉戰內地 汪敦敬籲勿悲觀 減租反成創業良機

2024-04-02 16:55

北上消費熱潮持續,剛過去的復活節長假期本港累計逾227萬人次出入境,令香港零售和餐飲業重創,各區亦接連出現店舖結業潮,社交平台Facebook群組「全港店舖執笠結業消息關注組」更在短短數天由約5,000人爆升至逾20萬人關注,引起部份本地業主及商人於群組內表達心聲。其中有商人對本地零售業心灰意冷,打算轉戰深圳創業;而在港持有多個舖位的祥益地產總裁汪敦敬就認為毋須太悲觀,甚至認為執笠潮下會衍生減租,「反而係創業良機」。

 「全港店舖執笠結業消息關注組」爆紅

網民倡食店首要「開夜啲」

不少網民於群組內提出建議如何拯救經濟,有指「要救香港嘅街舖,無論係零售定食店首先要一齊開夜啲!自從禁堂食,食店慣咗早收,夠膽死旺角9pm好多食店已經關門,搞到已唔想出夜街」;亦有指業主對於結業潮難辭其咎,「過去經濟好的時候業主不停加租炒舖成風,導致物價上升,租金係計入去CPI的,而人工跑唔贏通脹,班業主其實一直在吸緊血,希望開徵空置稅,如果減人工的話只會損害消費能力,舖頭加速執笠」。

有業主則於群組內反駁,「我本身係業主,入來都幾日睇咗好多帖文,個個都以為我印銀紙,唔駛養人冇壓力? 我都要請人做管理,加租係商業決定,你理得我下手冇人租?理得我吉住間舖十年。而家開個group全城聲討業主,就將冇人消費個波,射哂去物業投資者度?物業升,人工升,大家享受過個成果的!」

內地消費旺 商人欲轉戰內地

早前長假期西九高鐵站離港大堂人頭湧湧。陳浩元攝
早前長假期西九高鐵站離港大堂人頭湧湧。陳浩元攝
西九高鐵站離港大堂大排長龍。陳浩元攝
西九高鐵站離港大堂大排長龍。陳浩元攝
大批市民拖著行李到西九高鐵站乘搭高鐵北上遊玩。陳浩元攝
大批市民拖著行李到西九高鐵站乘搭高鐵北上遊玩。陳浩元攝
市民絡繹不絕到西九高鐵站乘搭高鐵北上遊玩。陳浩元攝
市民絡繹不絕到西九高鐵站乘搭高鐵北上遊玩。陳浩元攝
有市民到高鐵站後才即時購票。陳浩元攝
有市民到高鐵站後才即時購票。陳浩元攝
西九高鐵站離港大堂依然人頭湧湧。陳浩元攝
西九高鐵站離港大堂依然人頭湧湧。陳浩元攝
剛過去的復活節長假期本港累計逾227萬人次出入境
剛過去的復活節長假期本港累計逾227萬人次出入境
令香港零售和餐飲業重創
令香港零售和餐飲業重創
各區亦接連出現店舖結業潮
各區亦接連出現店舖結業潮
社交平台Facebook群組「全港店舖執笠結業消息關注組」
社交平台Facebook群組「全港店舖執笠結業消息關注組」
更在短短數天由約5,000人爆升至逾19萬人關注
更在短短數天由約5,000人爆升至逾19萬人關注
不少網民於群組內提出建議如何拯救經濟
不少網民於群組內提出建議如何拯救經濟
亦有指業主對於結業潮難辭其咎
亦有指業主對於結業潮難辭其咎
希望開徵空置稅
希望開徵空置稅

至於最受影響的本地商人,就有指「我間店四月尾光榮結業!唔係無錢賺,係業主離地式加租令我難以生存而結業」;另亦有商人指出,「次次長假期啲人都北上,我都做到心灰意冷,既然上面咁旺,諗緊好唔好試下深圳創業好過」。

持有多個舖位的大業主汪敦敬坦言,香港在服務和食物質素上,性價比的確不及內地,「我早前都喺內地食過,香港雪藏西冷點比得上內地新鮮溫體牛,又平又靚!香港賣牛肉嘅真係要諗方法求變,例如款式同品種可以有更多選擇」。

他指出,香港租金貴、難請人,服務質素退步,「落街食個飯,侍應態度唔好,香港人已經習慣晒,都廢事投訴!你有時坐的士見司機嘅質素就知服務淪亡!」汪敦敬表示在這個情況下,消費者自然選擇性價比較高的內地,所以改善好服務質素是本地零售業必然要面對的改革。

汪敦敬:有執笠潮就會衍生減租

有商人表示欲轉戰內地,汪敦敬認為想法太悲觀
有商人表示欲轉戰內地,汪敦敬認為想法太悲觀

但對於有商人表示欲轉戰內地,他認為想法太悲觀,「成街都係客,我反而覺得係創業良機!我同意係跟客走!但香港仍然有好多創業機會!有執笠潮,其實就會衍生減租、容易請人等等嘅優勢,部份吉舖地段冇咁旺,可以調節租金吸引租客」。

至於汪敦敬持有的漢口道44號地舖由人氣蛋撻店Bakehouse承租,去年更加租38%至月租25萬元,他表示生意未有受影響,仍非常旺場。

港人北上消費 內地人也在港買樓

他又指出,香港部份行業其實仍然非常暢旺,如金舖、奢侈品牌、民生店及樓市,「香港人上去消費,其實近期唔少內地人都落嚟買樓,因為香港房地產市場發展穩定,質素好自然吸引到佢哋置業」。

汪敦敬深信香港不是一無是處,「仲有得救!商家只要提升服務質素, 市民自然更願意留港消費。」他建議商家可跟內地接軌,例如透過小紅書等社交平台宣傳店舖吸引遊客。

相關文章:

港人北上熱 加劇全港結業潮 執笠關注組爆紅 成員數急升逾3萬 網民籲復活節留港消費

---
《星島申訴王》將推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://chped.net:443/https/bit.ly/3uJ3yyF

想睇更多精彩內容,請立即瀏覽「區區有申訴」活動專頁:https://chped.net:443/https/bit.ly/41hgS9E

《星島頭條》APP經已推出最新版本,請立即更新,瀏覽更精彩內容:https://chped.net:443/https/bit.ly/3yLrgYZ

關鍵字

最新回應

關鍵字

相關新聞

You are currently at: std.stheadline.com
Skip This Ads
close ad
close ad